Manchester City mendon tani të bëjë një investim gjigand por që nuk ka lidhje me merkaton e transferimeve të futbollistëve.
Klubi britanik ka plane për një rinovim të madh të stadiumit ‘Etihad’, ku do të investojë rreth 300 milionë paund (341 milionë euro).
Sipas Daily Mail, objektivi do të jetë rritja e kapacitetit me 7.700 vende, gjë që do t’i mundësonte asaj të marrë 61.000 fansa. Përveç stadiumit do të ndërtohet një hotel i ri, një park i brendshëm, një megastore dhe një muze.
Tifozët e mësuan lajmin të dielën e kaluar, ndërsa janë në pritje të hapit tjetër që Manchester City të sigurojë lejen për ndërtim. Nëse i jepet ‘drita jeshile’, puna duhet të fillojë në nëntor dhe të përfundojë në fillim të sezonit 2025/2026. Projektet e mbetura do të përfundonin një vit më vonë.
Discussion about this post