Ditën e nesërme (26 prill) e gjithë Anglia dhe, pse jo e gjithë bota, do ndalen për atë që është cilësuar tashmë si dueli më i nxehtë i vitit. Manchester City do presë më Etihad Stadium, skuadrën e Arsenalit, me kryesuesit nga Londra që po kalojnë momentin më të vështirë të sezonit. Djemtë e Artetës, kanë tre ndeshje që nuk provojnë shijen e fitores.
Brazimet përballë, West Ham, Liverpool dhe Southampton, kanë bërë që distanca mes vendit e parë dhe të dytë të shkurtohet në vetëm pesë pikë, me “Citizens” që kanë dy ndeshje më pak se “Gunners”.
Josep Guardiola do kërkojë të përfitojë në maksimum nga mini-kriza e kryeqytetasve për t’i dhënë goditjen, që do të ishte e rëndë, duke parë që do reduktonte diferencën në dy pikë (me fitoren tjetër eventuale në takimin e radhës të prapambetur që do ta dërgonte City-n në krye).
“The Sky Blues” pritet që të zbresin në fushë me lojtarët më të mirë, me Håland që do të jetë i vëzhguari numër një në sfidën që do të nisë në 21:00.
Trajneri katalanas i City-t pritet që të mos heqë dorë nga rreshtimi 3-2-4-1, që me gjasë do përbëhet nga këta lojtarë:
Ederson; Akanji, Dias, Laporte; Stones, Rodri; Mahrez, Gundogan, De Bruyne, Grealish; Håland
Nga ana tjetër, Arsenali i Artetës, do të ketë përsëri në dispozicion mesfushorin e Kombëtares së Zvicrës Granit Xhaka, i cili kthehet pas mungesës në sfidën e ditës së premte përballë Southampton.
Duel i veçantë do të jetë për dy ish-lojtarët e Manchester City-t, Gabriel Jesus e Oleksander Zinchenko. Tekniku Mikel Arteta pritet ta rreshtojë ekipin e tij me një formacion 4-2-3-1:
Ramsdale; White, Holding, Gabriel, Zinchenko; Xhaka, Partey; Saka, Odegaard, Martinelli; Jesus
/m.b. /gijotina.com
Discussion about this post