Një ngjarje e rëndë ka ndodhur mëngjesin e djeshëm në Tiranë, pasi një 49-vjeçar në gjendje të dehur ka lagur në trup me lëndë djegëse, veten dhe bashkëshorten e tij. Më pas ai është larguar me një automjet të cilin e ka përplasur me murin rrethues të një banese.
Njoftimi i Policisë:
Specialistët për Hetimin e Krimeve të Komisariatit të Policisë Nr. 3 arrestuan shtetasin B. D., 49 vjeç, banues në Tiranë, pasi ditën e djeshme, në rrugën “Vangjel Noti”, rreth orës 07:00, duke qenë në gjendje të dehur, ka lagur në trup, me lëndë djegëse, veten dhe bashkëshorten e tij.
Më pas është larguar me një automjet të cilin e ka përplasur me murin rrethues të një banese. Gjatë kontrollit fizik, shërbimet e Policisë i gjetën dhe sekuestruan, 49-vjeçarit, një mjet prerës (thikë).
Discussion about this post