Çudirat Shqiptare nuk kanë të mbaruar! Nga ankthi garës që po afron, kryebashkiakët tonë po bëjnë lumë kontratash paradoksale dhe abuzive, pasi nuk janë të rastësishme. Çudira e radhës është bërë nga kryebashkiaku i qytetit të Rrogozhinës, Edison Memomall. I cili është kryebashkiaku më i ri në moshë, por nuk qëndron pas për vjedhjet dhe aferat.
Memolla ka mbyllur me datë 30 janar tenderin me objekt “Sistemim Asfaltim Rruga Sharrdushk (Pjec)- Kryevidh”. Për këtë tender, ai ka vënë në dispozicion fondin me vlerë mbi 130 milionë lekë. Ndërkaq, në dokument tregohet se rruga që do të ndërtohet ka sipërfaqe 1400 metra”. Logjikisht, nga një përllogaritje e thjeshtë rezulton se Memolla ka në planë të shpenzojë 1 milionë lekë për çdo 1 metër rrugë. Kur, me aq para mund të shtronte me asfalt të gjitha rrugët e një qytetit të vogël si Rrogozhina.
Ekspertët e APP, apo dhe institucioneve të tjera përgjegjëse duhej ta kishin vënë menjëherë bën dukje këtë abuzim. Pasi është vjedhje e hapur fondesh, që mund ta kapë edhe syri i një qytetarit të thjeshtë. Por, me sa duket ekspertët që kanë vlerësuar tenderin, nuk e kanë vënë re këtë detaj.
Tenderi pa garë
Megjithatë kalojmë në tjetër fakt, që përbën një tjetër shkelje dhe kurrsesi nuk mund të jetë i neglizhueshëm nga Autoriteti Kontraktor. Ky tender mban flamurin e kuq nga Open Data Albania, me argumentin se ka mungesë konkurrencë dhe përben risk të lartë për tregun në vend dhe fondet e bashkisë.
Në dokument duket se kanë paraqitur afërtat e tyre 2 firma. Kompania “2N” është skualifikuar menjëherë më justifikimin se “Nuk ka paraqitur leje qarkullimi për Auto Grejder”. Pavarësisht se oferta e sja ishte 2 milionë lekë më e lirë, nuk u lejua të merrte pjesë në garë. Kështu në fuqi mbeti vetëm oferta e firmës “AL-Asfalt”, me vlerë 116 milionë lekë. Kjo kompani në pronësi të Astrit Varakut dhe Luan Memës, u shpall fituese pa garë fare. Me pak fjalë 130 milionë lekë iu falën nga Memolla.
Për më tepër kompania në fjalë është e njohur për kërdinë që bënë me tenderat për ndërtimet në Qytetin e Durrësin dhe në zona të tjera që përfshihen në kët qark. Prandaj, nuk mund t’i shpëtonte pa u marrë edhe një fond nga Memolla në prag zgjedhjes. AL-Asfalt fiton cdo vit milionat, duke qenë se është firma kontraktuese për rrugët në qarkun e Durrësit.
Këtu lind pyetja nëse kaq para a i ka investuar ndonjëherë Memolla për familjet në nevojë në Rrogozhinë, apo për investime të tjera të nevojshme për komunitetin?
Përgjigjen duhet ta japë SPAK, i cili nuk po merret dot as me peshqit e vegjël, të cilët po vjedhin po aq sa të mëdhenjtë.
Lexo edhe: Aksident në autostradën Durrës-Rrogozhinë, makina përplaset me kamionçinën
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post