Një francez 25-vjeçar, identiteti i të cilit nuk është bërë i ditur, u arrestua të shtunën e kaluar nga policia spanjolle, pasi sulmoi me dhunë katër oficerë të policisë bashkiake. Skena ka ndodhur në Madrid, në Paseo de la Castellana, një nga rrugët kryesore të kryeqytetit spanjoll.
Sipas raportit të policisë dhe raporteve të El Mundo, ai që paraqitet si kampion i Muay Thai, është përzënë nga një klub nate, pas një incidenti. I dehur dukshëm, djaloshi 1.90 metra, më pas shkoi të pushonte në rrugën kryesore të Madridit në një kopsht. Më pas kalimtarët kanë lajmëruar shërbimet e urgjencës dhe policinë bashkiake.
Një nga policët ka tentuar t’i afrohet duke i prekur këmbën, i riu ka luftuar me shpejtësi duke e goditur me shkelm në gjoks. Një tjetër tentoi ta qetësonte, por ai gjithashtu u godit. Një i tretë mori një goditje në kokë dhe një tjetër mori një goditje tjetër në shtyllën kurrizore.
Gjithsej gjashtë oficerë të policisë bashkiake duhej të ndërhynin për të nënshtruar francezin, i cili kishte ardhur në Madrid për të parë vëllain e tij student Erasmus në Madrid, raporton Marca.
Discussion about this post