Kjo e diel solli një nga përballjet më të forta të javës në Premier League, teksa Arsenali priti Manchester United në kuadër të javës së 23-të të kampionatit.
Pas fitoreve të Manchester City dhe Aston Villa, “Topçinjtë” kishin nevojë për fitore për të ruajtur avantazhin në garën për titull.
Arsenali e nisi ndeshjen më mirë dhe kaloi në avantazh në minutën e 28-të, kur Lisandro Martínez devijoi topin në portën e tij pas presionit të vendasve.
Reagimi i “Djajve të Kuq” ishte i shpejtë. Pas një gabimi të Martin Zubimendit, Bryan Mbeumo u tregua i ftohtë përpara portës dhe barazoi shifrat në minutën e 36-të.
Pjesa e dytë i gjeti miqtë më kërkues dhe në minutën e 50-të Manchester United përmbysi rezultatin falë një goli spektakolar të Patrick Dorgut.
Arsenali u rikthye në lojë në minutat e fundit, kur Mikel Merino shënoi me kokë pas një goditjeje nga këndi në minutën e 83-të.
Por ndeshja ishte ende larg përfundimit. Vetëm tre minuta më vonë, Matheus Cunha shtangu “Emirates”-in me një gol të bukur, duke vulosur fitoren 3–2 për Manchester United.
Pavarësisht përpjekjeve të fundit, Bukayo Saka dhe shokët e tij nuk arritën të barazonin, duke pësuar humbjen e parë në shtëpi këtë sezon.
Me këtë ndalesë, Arsenali shkon në tre ndeshje radhazi pa fitore në Premier League, ndërsa Manchester City dhe Aston Villa afrohen në vetëm katër pikë. Gara për titull pritet të jetë tejet e fortë.
gijotina.com/
Discussion about this post