Ndeshjet e para të fazës së 1/16-ave në Europa League sollën mjaft surpriza në të gjitha takimet.
Manchester United “ngeci” në Spanjë përballë Real Sociedad. Sfida ishte e luftuar nga të dyja ekipet, me “Djajtë e Kuq” që kaluan të parët në avantazh me Zirkzee në minutën e 57’, ndërsa barazimi erdhi nga Oyarzabal në minutën e 70’ falë një 11-metërshi, me rezultatin final që shënoi 1-1.
Tottenhami vazhdon të vuajë krizën që e ka “mbërthyer” këtë sezon, me skuadrën londineze që u mposht në Holandë nga AZ Alkmaar me rezultatin 1-0, falë një autogoli të Bergvall në minutën e 18’.
Rangeërsi i Bajramit arriti një fitore tepër të rëndësishme me rezultatin 1-3 përballë Fenerbahçes së Mourinhos, edhe pse për yllin e Kombëtares nuk pati asnjë minutë, ndërsa takimi tjetër i luajtur në orën 18:45 mes FCSB dhe Lyon u mbyll në të njëjtin rezultat, me fitoren e francezëve.
Katër takimet e tjera të luajtura në orën 21:00 gjithashtu sollën shumë surpriza.
Roma fitoi me përmbysje 2-1 përballë Athletic Bilbaos, duke iu falur golit të Shomurodov në minutat e fundit të sfidës.
Një fitore në frymën e fundit e arriti dhe Lazio që triumfoi 1-2 në transfertë përballë Plzenit, me 9 lojtarë.
Ajax u mposht në shtëpi me rezultatin 1-2 nga Eintracht Frankfurt, ndërsa Bodo/Glimt arriti një fitore tepër të rëndësishme në shtëpi përballë Olympiacos me rezultatin 3-0, duke hedhur një hap të rëndësishëm drejt çerekfinaleve.
REZULTATET:
REAL SOCIEDAD 1-1 MAN. UNITED
Oyarzabal (P) 70’ / Zirkzee 57’
AZ ALKMAAR 1-0 TOTTENHAM
Bergvall (A.G) 18’
FCSB 1-3 LYON
Baluta 68’ / Tagliafico 30’, Fofana 86’, 89’
FENERBAHÇE 1-3 RANGERS
Djiku 30’ / Dessers 7’, Cerny 42’, 81’
AJAX 1-2 EINTRACHT FRANKFURT
Brobbey 10’ / Larsson 28’, Skhiri 70’
ROMA 2-1 ATHLETIC BILBAO
Angelino 56’, Shomurodov 90+4′ / Williams 50’
BODO/GLIMT 3-0 OLYMPIACOS
Tzolakis (A.G) 13’, Hogh 45’, 55’
PLZEN 1-2 LAZIO
Durosinmi 53’ / Romagnoli 18’, Isaksen 90+8′
Conference League/ Chelsea nuk gabon në Danimarkë, Fiorentina mundet në Greqi
Edhe Conference League ka zhvilluar sfidat e saj të para në fazën e 1/16-ave, me Chelsean pretendent që nuk gaboi, teksa Fiorentina dhe Real Betis hodhën hapa të gabuar.
“Blutë” e Londrës, të cilët janë pretendentët kryesor për të fituar këtë kompeticion, arritën të fitonin me rezultatin 1-2 përballë Copenhagen. Sfida e zhvilluar në Danimarkë nisi me ritëm të lartë, teksa golat e James dhe Fernandez ndihmuan ekipin e Marescës të hidhnin hapin e parë drejt çerekfinaleve.
Fiorentina u shtang në Greqi, duke u mposhtur me rezultatin 3-2 nga Panathinaikos.
Një tjetër surprizë erdhi nga Spanja, me Real Betis që nuk arriti dot të fitonte kundër portugezëve të Vitoria Guimaraes, duke barazuar 2-2.
Në takimet e tjera, Molde mundi 3-2 Legian, Rapidi i Vienës barazoi 1-1 kundër boshnjakëve të Borac Banja Luka, Celje triumfoi 1-0 kundër Luganos, Cercle Brugge u mund 3-0 në transfertë nga Jagiellonia dhe Pafos vazhdon të jetë një surprizë, me qipriotët që mundën 1-0 Djurgarden në ndeshjen e parë.
REZULTATET:
COPENHAGEN 1-2 CHELSEA
PANATHINAIKOS 3-2 FIORENTINA
BETIS 2-2 VITORIA GUIMARAES
MOLDE 3-2 LEGIA
BORAC BANJA LUKA 1-1 RAPID
CELJE 1-0 LUGANO
JAGIELLONIA 3-0 CERCLE BRUGGE
PAFOS 1-0 DJURGARDEN
Discussion about this post