“Çmenduri” në “Wembley”! Sunderland bën përmbysjen e madhe, fiton finale më të shtrenjtë në histori dhe ngjitet në PL

Sunderland është ekipi i tretë dhe i fundit që siguron biletën për të luajtur në Premier League për sezonin e ri.  Ekipi i drejtuar nga francezi Regis Le Bris ka fituar në finalen e madhe të luajtur në “Wembley” ndaj Sheffield Utd. E konsideruar si ndeshja më e shtrenjtë në histori, pasi fituesi, në këtë rast Sunderland, përveç biletës për në Premier League, do të fitojë edhe 200 milionë paundë. Pjesa e parë është mbyllur 1-0 për Sheffield Utd, ekipi i drejtuar nga Chris Wilder gjeti golin në minutën e 24-të me Tyrese Campbell pas një kundërsulmi fantastik dhe asistit të Gustavo Hamer. SHIKOGOLIN Përmbysja e madhe e Sunderland erdhi në pjesën e dytë. Fillimisht Mayenda barazoi shifrat në minutën e 76-të me një gol shumë të bukur, ndërsa Tom Watson do të shënonte golin e përmbysjes së madhe në minutën e 95-të. Sunderland fiton biletën për në Premier League pas 8 sezonesh si dhe 200 milionë paundë.