Prej muajsh vendi ynë vazhdon të regjistrojë çmimet në të larta të karburantin në rajon, madje ne blejmë naftën edhe më shtrenjtë nga sa janë vlerat e bursës në tregun e huaj. Pothuajse çdo ditë Bordi i Transparencës ndryshon çmimin e naftës por gjithmonë e ul me nga 10 lekë dhe pas dy ditësh e ngre sërish me 30 lekë. Ekspert, media dhe qytetarët kanë ngritur zërin për këtë abuzim që po bëhet para syve tanë, por qeveria vazhdon të hedh “hi syve”.
Ministrja e Infrastrukturës dhe Energjisë, Belinda Balluku ka thënë ditën e sotme gjatë paraqitjes se vendimeve të Këshillit se, Bordi i Transparencës nuk ndikon në çmimin e naftës dhe se ai është për të bërë transparencë publike. Sipas saj Bordi nuk rrit e as nuk ka në dorë kontrollin e çmimit të naftës në Shqipëri. ” Bordi i Transparencës nuk ndikon në çmimin e naftës. Bordi është aty për të bërë transparencë publike. Ne si bord as nuk e rrisim dhe as nuk e ulim çmimin. Ka një abuzim në media nga politikanët. Flitet që çmimi i naftës ka rënë në bursa, ndërsa në Shqipëri ngrihet, fakt që është i rremë. Çmimi që i referohen zotërinjtë është çmimi i produktit krudo. Ndërkohë çmimi që ne i referohemi, ka të bëjë me çmimin e produktit. I referohemi bursës PLANT. Është shumë e lehtë për të parë se si janë çmimet sot në bursë, a janë në ulje apo në ngritje. Përsa i përket pyetjes tuaj, dhe krahasimit me rajonin, e kemi thënë disa herë dhe kemi bërë një analizë se çfarë përmban çmimi në Shqipëri”, tha ajo.
Discussion about this post