Sipas ndryshimeve në paketën fiskale parashikohej që nga 1 janari të vendosje akciza 6 lekë për litër për gazin e lëngshëm që përdoret për gatim apo ngrohje. Por, gjatë ndryshimeve në Komisionin e Ekonomisë me kërkesë të opozitës, mazhornaca vendosi që ky vendim të hyjë në fuqi në 1 korrik 2022 dhe jo në 1 janar.
Qeveria shtyu afatin, duke marrë parasysh krizën energjetike aktuale. Lajmin e bëri të ditur kreu i komisionit, Eduard Shalsi, i cili tha se kjo çështje do të diskutohet sërish në maj ose ne qershor. “Efektet e këtij ligji, të hyjnë në fuqi në 1 korrik 2022, për shkak edhe të situatës së energjisë elektrike, duke parashikuar që nga pranvera çmimet e energjisë do të stabilizohen. Do ta rihapim si debat nga maji apo qershori që të bëjmë një ridiskutim për situatën konkrete dhe efektet e saj, duke pasur parasysh si do të shkojë tregu”, tha ai. Ndërsa shtoi se do të rishikohen edhe kategoritë në të cilat do të aplikohet ky vendim.
Por, pavarësisht se kjo TVSH nuk është vendosur akoma çmimet e gazit në treg janë rritur ndjeshëm, duke u blerë u blerë në treg me 88 lekë për litër. Rritje po ashtu ka pësuar edhe nafta, ndërsa për qytetarët shtrenjtimi është i papërballueshëm, duke kërkuar nga qeveria marrjen e masave.
Kjo rritje është e papërballueshme për qytetarët, të cilët e përdorin gazin për gatim apo ngrohje. “Gazi është rritur, nafta është rritur, jetesa është bërë e papërballueshme” shprehet një qytetar. Çmimi i karburanteve ka ndryshuar në të gjitha pikat e shitjes, ata tregojnë se se kjo ka ardhur si pasojë e rritjes së taksave.
.
Discussion about this post