Çmimi i karburanteve është bërë i papërballueshëm për qytetarët dhe kjo sipas kryeministrit Edi Rama po ndodh sepse jemi në luftë, ndonëse kjo e fundit po zhvillohet mijëra kilometra larg nesh.
Gjatë fjalës së tij në Kuvend, Rama tha se në kushtet që jemi, askush nuk mund të pretendojë që të vijojë jetën si ka qenë më parë.
Kryeministri tha se dihet se përse Shqipëria ka çmimet më të larta të karburajteve në rajon, duke iu referuar numrit të madh të taksave dhe tarifave që vilen nga karburantet, megjithatë qeveria sipas tij subvencionon çmimin për një mori sektorësh, siç janë për shembull peshkimi dhe bujqësia duke ulur barrën e krizës tek ata.
Kreu i qeverisë teksa nga njëra anë pranoi se Shqipëria ka çmimin më të lartë të karburantit në rajon, nga ana tjetër pohoi se vendi ynë ka taksat më të ulëta.
Discussion about this post