Ç’ndodhi? Genci Hyska anulon tenderin 255 milionë lekë të oksigjenit për Maternitetin  

Drejtori i Maternitetit “Koço Gliozheni”  Genci Hyska po rrezikon furnizimin me oksigjen për shkak të zvarritjeve që bënë me tenderin.  Më datë 26 prill 2024, ky institucion ka hapur prokurimin me objekt “Blerje PURE OXYGEN MEDICAL LIQUID X 100% bar për nevojat e Spitalit SUOGJ “Koço Gliozheni” Tiranë. Për të blerë këto bombola me 216 mijë litra oksigjen, Hyska kishte vendosur fondin limit 255 milionë lekë.

Tenderi ishte planifikuar që të zhvillohej me datë 13 maj 2024, por procedurat nga ngecur për shkak se tenderi është anuluar.

Vendimi për anulimin e tenderit është publikuar më datë 7 maj 2024 në Agjencinë e Prokurimeve Publike. Në vendim thuhet anulimi i tenderit është bërë Bazuar në Ligjin Nr. 162/2020, datë 23.12.2020 “Për Prokurimin Publik”, Neni 98, pika 1.

Dhe sipas një kërkimi në këtë ligj rezulton se në nenin 98 thuhet saktësisht “Autoriteti ose enti kontraktor anulon procedurën e prokurimit në rastet kur:

1. a) në procedurat me faza nuk është dorëzuar asnjë kërkesë e përshtatshme;
2. b) në procedurat me një fazë nuk është dorëzuar asnjë ofertë e përshtatshme;
3. c) konstaton se dokumentet e tenderit përmbajnë gabime ose mangësi të rëndësishme;

ç) për shkak të rrethanave të paparashikueshme dhe objektive, nevojat ose aftësia paguese e autoritetit ose entit kontraktor kanë ndryshuar;

1. d) kur Komisioni i Prokurimit Publik vendos anulimin sipas parashikimeve në këtë ligj”.

Çka do të thotë që kanë ndikuar të gjitha pikat, por ka patur edhe probleme në përllogaritjen e fondit.

“Për arsye të përllogaritjes së fondit limit duke u bazuar në çmimin CIF të përcaktuar nga MSHMS”, theksohet në një nga shkaqet e anulimit, ku shtohet se ka pasur ankesë nga kompanitë pjesëmarrëse. Kjo përllogaritje e gabuar i vë vulën mungesës së përgjegjshmërisë, që shkakton zvarritje në furnizimin me oksigjen në Maternitet.

Ne do të shohim se si fo të zhvillohet tenderi, pasi drejtori Hyska e ka bërë traditë që këtë tender ta zhvillojë pa konkurrencë duke marrë “Flamuj të kuq” nga Open Data.

Kujtojmë se në vitin 2022, ky tender në atë kohë me fond 115 milionë lekë është dhënë në një procedurë me vetëm një pjesëmarrës.

©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.