Policia e Kosovës ka konfirmuar vendosjen e dy barrikadave në veri gjatë natës. Sipas mediave vendase, njëra ndodhet në udhëkryqin te shkolla teknike, ndërsa tjetra te vendi i quajtur Kershi i Dudës.
“Në veri të vendit, gjatë natës persona/grupe kriminale, kanë vazhduar vendosjen e barrikadave duke penguar edhe më tej lirinë e lëvizjes së lirë. Referuar informacioneve zyrtare janë vendosur edhe dy barrikada me mjete të rënda. Njëra prej barrikadave është vendosur në udhëkryqin te shkolla teknike, ndërsa tjetra është vendosur te vendi i quajtur Kershi i Dudes”, thuhet në përgjigjen e policisë për Express.
Serbët lokalë prej 18 ditë kanë ngritur barrikada në veri, në shenjë pakënaqësie me arrestimin e ish-policit serb të Kosovës, Dejan Pantiç. Si pasojë e kësaj situate janë shënuar edhe incidente.
Discussion about this post