Ndeshja e Champions League mes Bayernit dhe Benfikës, e planifikuar të luhet në Mynih, nisi me 15 minuta vonesë.
Dy orë para sfidës, linja e metrosë që çonte drejt stadiumit “Allianz Arena” pësoi dy defekte radhazi, duke sjellë kaos në mbërritjen e tifozëve në impiantin ku luhej ndeshja e sotme. Qarkullimi u bllokua dhe për shumë tifozë ishte e pamundur që të mbërrinin në kohë për startin e ndeshjes.
Në bashkëpunim me UEFA-n, u vendos që starti i sfidës të shtyhej për në orën 21:15, teksa u rregullua problemi në linjën e metrosë dhe u siguruan që pjesa më e madhe e tifozëve të ishin të pranishëm në impiant për nisjen e duelit në fjalë.
gijotina.com/
Discussion about this post