Rocco Commisso nuk i “filtron” kurrë fjalët, sidomos kur është për të sulmuar sistemin dhe për të thumbuar kundërshtarët, veçanërisht Juventusin.
“Ne i paguam për Cabral dhe Joviç plot 15 milionë dhe ata na kanë shënuar tashmë 20 gola në tre kompeticionet ku luajmë”, tha shefi i Fiorentinës i cili referencën e kishte për transferimin e sulmuesit Vlahoviç te skuadra e Juventusit duke mos u kursyer me ironinë e tij:
“Ai ka shënuar këtë sezon sa gjysma e lojtarëve tanë duke përfshirë 2 penalltitë. Operacioni Cabral-Joviç ishte i shkëlqyeshëm për ne, ndërsa ai i Vlahoviçit nuk ishte për Juventusin dhe në të gjitha këto kemi operacione merkatoje kemi fituar 70 milionë euro”.
Dushani donte të shkonte në Juventus. Shumë na kanë kritikuar dhe gazetat shkruanin se Cabral dhe Joviç nuk kishin shënuar deri vonë, por nuk ishte e vërtetë.
Përveç Interit dhe Napolit, Fiorentina është në të njëjtin nivel me Juventusin, Milanin dhe të tjerët, por askush nuk e ka shkruar”, përfundoi ai, duke drejtuar sërish gishtin nga shtypi.
Duket se Commisso vazhdon të ketë inate me Juventusin që sipas tij është molla e kalbur e sistemit futbollistik në Itali.
Discussion about this post