Çerekfinalet e kthimit të UEFA Europa Conference League do të luhen sonte, për të vendosur përfundimisht se kush do të jenë gjysmëfinalistet e edicionit të dytë të turneut më të ri të futbollit europian.
Në 18:45, Fiorentina luan në stadiumin Artemio Franchi përballë Poznan, e vetëdijshme se i mjafton vetëm që të administrojë avantazhin 4-1 të takimit të vajtjes në Poloni.
Paralel me sfidën e Firences, luhet dueli belgo-holandez mes AZ Alkmaar e Anderlecht. Miqtë nga Brukseli, pavarësisht fitores 2-0 në kryeqytetin belg, nuk pritet të kenë një ndeshje të lehtë, ndaj AZ që në stadiumin e vet është një skuadër e frikshme, e ndihmuar edhe nga atmosfera e krijuar nga tifozët e vet.
Në orën 21:00 do të jetë radha e West Ham, e cila këtë sezon ka hasur shumë vështirësi në kampionat. Londinezët do të ndeshen në stadiumin Olimpik përballë Gent. Pavarësisht diferencave në emra e cilësi, sfida e parë na tregoi që “Çekiçat” nuk pritet ta kenë të lehtë përballë “underdog-ëve” nga “qyteza” prej 265.086 banorësh.
Sfida tjetër që do startojë në prime-time është ajo mes francezëve të Nice dhe zviceranëve të Basel. Të dy ekipet, vijnë në baraspeshë të plotë në takimin, që do të luhet në Allianz Riviera, të qytetin piktoresk pranë brigjeve të Bregut të Kaltër.
Programi i plotë:
Fiorentina – Poznan (18:45)
AZ – Anderlecht (18:45)
West Ham – Gent (21:00)
Nice – Basel (21:00)
/m.b. /gijotina.com
Discussion about this post