Conference League zbret në “Air Albania” nesër ndërsa fluturimet e tifozvë që pritet ta ndjekin nga afër finalen janë të shumtë. Së fundmi disa tifozë, dhe pasagjerë të linjës Bari-Rinas janë përballur me një surprizë të pakëndshme në aeroport.
Ata ndodhen prej disa minutash të bllokuar në bordin e avionit pavarësisht se ky i fundit është ulur në pistën e aeroportit.
Mësohet se pasagjerët ndodhen të bllokuar pasi nuk ka më autobusa në dispozicion për t’i transportuar drejt terminalit të aeroportit si shkak i fluksit të lartë të udhëtarëve.
Mësohet se piloti i ka komunikuar pasagjerëve se kjo situatë vjen për shkak të ngarkesës që vjen nga ndeshja. Ndërkaq, fluks i lartë pasagjerësh është shënuar dhe në pikën e kontrollit të pasaportave.
Discussion about this post