Disa orë përpara zhvillimit të finales së Ligës së Konferencës, ultrasit e Romës dhe Feyenoord janë përleshur mes tyre dhe kanë plagosur nëntëmbëdhjetë oficerë policie. Mediat britanike shkruajnë se tifozët përdorën shishe qelqi, shkopinj, gurë dhe objekte të tjera ndërsa policia lokale u përpoq të ndalte incidentet.
“Në orët e para të mëngjesit të sotëm deportuam – nëpërmjet portit detar të Durrësit – 80 tifozë huliganë italianë. Si pasojë e dhunës ndaj policisë nga tifozët e të dyja skuadrave, kemi 19 efektivë të plagosur dhe njëri prej tyre është plagosur me thikë”, tha zëvendësdrejtori i Përgjithshëm i Policisë shqiptare Albert Dervishi.
Më herët policia kishte thënë se 60 individë – 48 italianë dhe 12 holandezë – ishin shoqëruar në komisariate si pasojë e përplasjeve dhe se 10 shtetas shqiptarë, italianë dhe holandezë ishin trajtuar për lëndime në spital. Finalja e së mërkurës do të luhet në Arena Kombetare, i cili ka një kapacitet prej 21,690 vendesh.
Trajneri i Romës, Jose Mourinho, ka thënë se tifozët e klubit të tij “do të kishin mbushur” Santiago Bernabeu të Real Madridit, i cili ka një kapacitet prej 81,044. Mbështetësit e Romës dhe Feyenoord-it pritet ta ndjekin ndeshjen në dy zona tifozësh dhe policia tha se ka marrë masa për të parandaluar shpërthimet e dhunës.
Discussion about this post