Kampionatet tashmë kanë ulur siparin e tyre dhe klubet shqiptare që kanë arritur të kualifikohen në UEFA Europa Conference League po përgatiten të mësojnë shortin e këtij kompeticoni evropian.
Tirana, Egnatia dhe Vllaznia do të mësojnë emrat e kundërshtarëve të tyre më 20 dhe 21 qershor për ndeshjet që do të luhen me 13 dhe 20 korrik.
Për fat të keq, skuadrat e Kategorisë Superiore janë të gjitha të renditur në vazon e ekipeve jofavorite. Tirana me koeficient 4 gjithashtu është në vazon e “underdog-ëve”. Bardheblutë luftonin me skuadrat kosovare, estoneze dhe ato armene.
Drita dhe Pjunik i kanë bërë gjëmën Tiranës. Gjilanasit janë vlerësuar me koeficientin 6 nga UEFA ndërsa skuadra armene është vlerësuar me koeficientin 8. Kjo gjë ka bërë që bardheblutë të mbeten në vazon e skuadrave jofavorite së bashku me Vllazninë e Shkodrës dhe Egnatian e Rrogozhinës që ishin të sigurta në këtë vazo.
Discussion about this post