Antonio Conte dhe Tottenham nuk duan të dorëzohen aq lehtë ndaj Milanit dhe në Londër do të tentojnë të përmbysin disavantazhin 1-0 të takimit në San Siro. Në prag të ndeshjes së Champions League kundër kuqezinjve, trajneri nga Salento premton luftë:
“Duam të ecim përpara dhe shpresoj të ndjejmë atmosferën e duhur nesër në stadium. Unë kam te tifozët tanë sepse do të luajmë kundër një ekipi që fitoi kampionatin në Itali vitin e kaluar”.
Rikthimin në stol pas një pushimi të gjatë, Conte e nënvizoi në konferencën për shtyp:
“Kam ndjesi të mira, për mua është e rëndësishme të rikthehem në punë me lojtarët dhe stafin tim. Jam përpjekur të qëndroj pranë ekipit, por të jesh prezent në pankinë është krejtësisht ndryshe. Më duhet të falënderoj stafin tim. Tani jam shumë i lumtur që jam kthyer.”
“Ndoshta e mbivlerësova trupin tim dhe veten time. Tani jam mirë dhe kam rikuperuar energjitë dhe duhet të shtoj peshë, për të tjerat ndjesitë e mia janë të mira”, shpjegoi Conte, i cili më pas shtoi:
“Përpiqem të transferoj energjinë time te lojtarët e mi. Është një ndeshje e rëndësishme për ne”.
Conte foli me detaje për operacionin:
“Është diçka që mund të ndodhë. Pas operacionit zbulova se shumë nga miqtë e mi kishin bërë të njëjtin operacion.
Ndryshimi është se në rastin tim ishte një operacion urgjent, i paplanifikuar. Qarkullojnë shumë lajme jo të mira në raste të tilla.
Kur më thanë që thjesht duhej të bëja një operacion u ndjeva i lumtur, ama nuk e di se çfarë mund të ndodhë në të ardhmen.
Nuk më ka ndryshuar mënyra e të menduarit: tani po e përsëris që duhet të jem pranë lojtarëve të stërvis ekipin për ndeshjen e rradhës”.
Për momentin e Tottenhamit dhe sfidën në Champions, ai shtoi:
“Dalja nga FA Cup nuk ishte një rezultat i mirë sepse ne mund të kishim provuar të luftonim për trofeun këtë sezon.
Megjithatë, nesër kemi një ndeshje shumë të rëndësishme dhe duhet të jemi pozitiv, duhet të mësojmë nga gabimet tona.
Shpresoj që nëse kemi një ndeshje tjetër të keqe, lojtarët mund të mësojnë, sepse kur fiton je i lumtur, por nga disfatat rritesh.”
Për presionin në profesionin e tij:
“Ne jetojmë me presion, sepse kur është atje do të thotë se po ngjitesh. Mos harrojmë se nga erdhëm, vitin e kaluar ishim në Ligën e Konferencave dhe sot jemi në Ligën e Kampionëve.
Ne fituam grupin dhe nesër kemi mundësinë të mposhtim Milanin dhe të kalojmë. Nëse më pyet nëse dua të fitoj Ligën e Kampionëve, unë do të them po, por këtu është realiteti. Le të shkojmë lojë pas ndeshje.”
Për objektivat e sezonit:
“Për mua do të ishte një sukses të luftoja deri në fund. Nëse do jemi konkurrues për të fituar diçka deri në fund të sezonit, mendoj se do ta kemi arritur qëllimin tonë. Tottenham duhet ta ketë këtë objektiv, të luftojë çdo sezon për të fituar diçka të rëndësishme. Unë mendoj se jemi në vendin ku fitimi i turneve është shumë i vështirë.
Premier League është tejet kompetitive dhe shumë klube duan ta fitojnë këtë titull: shumë ekipe përmirësohen nga viti në vit dhe duhet përmirësim i vazhdueshëm i nivelin të ekipit. Çdo sezon dua të jem konkurrues për të fituar diçka: nëse nuk ndodh, nuk jam i kënaqur”.
Sportmediaset
Discussion about this post