Trajneri italian Antonio Konte u emërua pak javë më parë në krye të pankinës së Tottenhamit. Ish-tekniku i Interit ka marrë garanci nga drejtuesit e klubit për të patur dorë të lirë në merkato dhe afruar në ekip lojtarët që ai dëshiron. Mediat angleze raportojnë se Conte synon portierin Jordan Pickford i cili aktivizohet me Evertonin dhe titullar absolut me kombëtaren e Anglisë.
Gardiani aktual Lloris hyn në muajt e fundit të kontratës teksa klubi dhe trajneri mendojnë se ky do të ishte një zëvendësim i mirë afatgjatë për repartin e portës. Pickford luan prej vitesh në nivele të lartë dhe ofron një garanci të madhe në katërkëndëshin e portës. Tashmë mbetet të shihet se cila do të jetë oferta e drejtuesve londinez të cilët duhet theksuar se nuk kursehen kur bëhet fjalë për lojtarë të këtij kalibri.
Discussion about this post