Në stadiumin “Santiago Bernabeu” sonte me fillim nga ora 21:00 do të zhvillohet dueli i parë gjysmëfinal i Kupës së Spanjës ku do të matin forcat dy super gjigantët e futbollit iberik dhe jo vetëm, Real Madrid dhe Barcelona.
Nën drejtimin e gjyqtarit Munuera Montero, dy skuadrat synojnë ta bëjnë hapin e parë drejt finales së madhe në një stadium që pritet të jetë i stërmbushur siç ndodh zakonisht në “El Clasico”.
Barcelona është e goditur nga tri mungesa të mëdha pasi nuk do të ketë në dispozicion emra si Lewandowski, Pedri dhe Dembele, kurse te Reali mungon dyshja e mbrojtjes Ferland Mendy dhe David Alaba.
Këto pritet të jenë formacionet titullarë sonte:
Real Madrid: Courtois, Carvajal, Militao, Rudiger, Nacho, Kroos, Tchouameni, Modric, Valverde, Benzema, Vinicius Jr.
Barcelona: Ter Stegen, Kounde, Araujo, Christensen, Balde, De Jong, Busquets, Roberto, Raphinha, Torres, Gavi.
Discussion about this post