Ndeshja e Wolves kundër Arsenalit të martën është shtyrë për shkak të një numri rastesh të koronavirusit dhe dëmtimeve në skuadrën e Bruno Lage.
Kjo është ndeshja e dytë e periudhës festive që shtyhet për Ëolves, ndeshja e tyre e “Boxing Day” kundër Watford u anulua gjithashtu për shkak të një numri të madh të rasteve të COVID-19 në kampin e Watford.
Krahas virusit, Wolves aktualisht ka një numër lojtarësh të dëmtuar. Nisur nga këto rrethana, Premier League ka pranuar kërkesën e Wolves për të anuluar ndeshjen.
“Ndeshja e Arsenal FC kundër Wolverhampton Wanderers në Emirates Stadium, që do të luhej në orën 12:30 të së martës 28 dhjetor, për fat të keq është shtyrë.
Bordi i Premier League pranoi kërkesën për shtyrje pasi Wolverhampton Wanderers nuk ka numrin e kërkuar të lojtarëve në dispozicion për ndeshjen (13 lojtarë jashtë fushës dhe një portier) si rezultat i një numri rastesh COVID-19 dhe lëndimeve në klub”, thuhej në një deklaratë të Premier League.
Discussion about this post