Eksperti amerikan i sëmundjeve infektive, doktor Anthony Fauci, tha se amerikanët e pavaksinuar mund të përbëjnë një kërcënim të madh në luftën kundër Covid-19, kur u pyet nëse vendi mund të shihte një valë të pestë të pandemisë.
Në një intervistë Fauci vuri në dukje se kishte 66 milionë amerikanë të pavaksinuar. Ai shtoi se nëse zyrtarët nuk po bëjnë punën e duhur për t’i bindur ata që të vaksinohen, mund të ketë një rrezik të “ringjalljes” së rasteve duke çuar në një valë të pestë të pandemisë.
“Problemi është, siç e dimë të gjithë, ne ende kemi afërsisht 66 milion njerëz që kanë të drejtë të vaksinohen, të cilët nuk janë të vaksinuar. Shkalla në të cilën ne do të vazhdojmë të ulim rrezikun nga një pandemi e dytë do të varet nga numri i njerëzve të vaksinuar. Nëse nuk veprojmë shumë mirë në këtë drejtim, ekziston gjithmonë rreziku që të ketë mjaft viruse që qarkullojnë, që të kemi një ngecje në zvogëlimin e numrit të rasteve. Dhe kur kjo të ndodhë, si ne kemi parë në të kaluarën me valë të tjera që kemi kaluar, ekziston rreziku i rikthimit Sa më shumë njerëz të vaksinohen, aq më pak gjasa do të ketë pë një rritje tjetër shifrash ndërsa shkojmë drejt stinës së dimrit,” tha ai.
Presidenti Biden ka thënë se në shkallë vendi, rastet janë ulur 47% dhe shtrimet në spital janë ulur 38%. Dr Fauci u shpreh se këto prirje do të vazhdojnë në këtë drejtim vetëm nëse ata që janë të pavaksinuar vendosin të marrin vaksinën.
