Covid-19 nuk ka kursyer as fëmijët dhe foshnjet.Një foshnje 4 muajshe po lufton me virusin në spitalin “Ippokratio” të Selanikut.Raportohet se infektimi me Covid-19 i ka shkaktuar probleme me frymëmarrjen, teksa bëhët me dije se foshnja ishte dërguar fillimisht në spitalin e Komotinit, por mjekët aty vendosen që ta dërgojnë për mjekim më të specializuar në Selanik.
Bluzat e bardha konstatuan se foshnja kishte nivel të ulët të oksigjenit në gjak dhe komplikacione të tjera, ndaj zgjodhën t’a fusnin menjëherë në intubim.
Situata nga koronavirusi në Greqi nuk është aspak e mirë, teksa rastet kanë ardhur në rritje. Autoritetet shëndetësore atje kanë ngritur alarmin, duke e cilësuar këtë një pikë kritike.
Nga përditësimi më i fundit, raportohet se u regjistruan 80 viktima dhe 3839 raste të reja infeksioni.
536 pacientë janë në intubim, 84.1% e të cilëve vuajnë nga sëmundje bashkëshoqëruese, ndërsa 83.21% janë edhe të pavaksinuar.
Atika dhe Selaniku janë zonat më të goditura nga vala e katër e COVID.
Pjesa më e madhe e qytetarëve të infektuar në shtetin helen janë të pavaksinuar.
Gjithashtu edhe për sa u përket viktimave të regjistruara, mbi 80% e tyre kanë sëmundje bashkëshoqëruese.
Discussion about this post