Pas humbjes së thellë në zgjedhjet vendore, Kryeministri i Kosovës Albin Kurti ka reaguar për herë të parë për publikun. Në një deklaratë për mediet, Kurti tha se Lëvizja Vetëvendosje humbi për shkak se të gjithë të tjerët u bashkuan kundër saj.
“Rezultati jo i kënaqshëm për neve vjen si rezultat i disa defekteve të brendshme të cilat duhet ti analizojmë më gjatë në vijim dhe i bashkimit të të gjithë tjerëve kundër LVV-së. Administrimi i procesit zgjedhor nga KQZ ishte shumë i mirë, i urtoj të gjithë kryetarët e komunave që u zgjodhën dje. Do të kenë shumë beteja dhe punë në përballje me krimin dhe korrupsionin posaçërisht në fushën e ndërtimit të egër ku paratë e mëdha në qytetet tona po shpërlahen duke shkatërruar me ndërtim të egër. Do të bashkëpunoj me ta në këtë betejë”, tha Kurti. Gjithsesi, ai tha se procesi zgjedhor ishte shumë i mirë dhe vendin e presin para sfida shumë më të vështira.
Discussion about this post