Kreu i Federatës Shqiptare të Futbollit, Armand Duka ka reaguar për ndarjen nga jeta prej Covid-19 të komentatorit të njohur të sportit, Kosta Grillor.
Në një postim në rrjetet sociale, Duka ka shprehur ngushëllime për familjen e gazetarit të njohur dhe për të gjithë shqiptarët për këtë humbje të madhe.
“I dhimbshëm lajmi për ndarjen nga jeta të gazetarit e komentatorit të mirënjohur sportiv, Kosta Grillo, cili nuk ia doli dot të fitojë betejën me Covid-19. Një personazh mjaft i dashur për sportdashësit shqiptarë, të cilët për vite me radhë kanë përjetuar emocionet e ndeshjeve nga ekrani i televizorit me komentin e Kostës. Dua t’i shpreh ngushëllimet më të sinqerta familjes Grillo, të afërmve dhe miqve të tij. I paharruar qoftë kujtimi i tij. U prehtë në paqe!”-shkruan Presidenti i FSHF-së.
Grillo u nda nga jeta në moshën 59-vjeçare, pas luftës së gjatë me Covid-19, ndërsa që prej 12 gushtit ishte i shtruar në spital në Turqi./K.T/Gijotina.com
