Mëngjesin e ditës së sotme, Elbasani u zgjua me lajmin e keq të ndarjes nga jeta të mësues Blerina Lamçja në moshën 40 vjeçare. Ky lajm i trishtë u dha nga vetë ministrja e Arsimit, Evis Kushi e cila e publikoi këtë rast të rëndë në faqen e saj në FB. Kushi përfitoi nga ky rast për të bërë një thirrje që të gjithë të ndërgjegjësoheshin dhe të mos neglizhonin vaksinimin në mënyrë që të ishin të mbrojtur nga virusi.
Pavarësisht apelit të ministres Kushi për tu vaksinuar, mësohet se mësuesja e kishte kaluar covid-19 disa muaj më parë, madje i kishte marrë të dyja dozat e vaksinës të cilat nuk ia kursyen jetën. Prej disa ditësh 40-vjeçarja kishte shfaqur probleme të shëndetit dhe nga tamponi i shpejtë kishte rezultuar pozitive. Menjëherë ajo u nis për kurim në kryeqytet ku mjeket konstatuan probleme me trashësinë e gjakut dhe nisën zëvendësimin e lëndës bazike.
Pavarësisht përpjekjes se mjekëve dhe thirrjes për dhurim gjaku nga familjarë dhe koleg të të ndjerës ajo mbylli sytë. Edhe më tragjik këtë rast e bën fakti se vetëm pak muaj më parë 40-vjecarja kishte humbur nënën pasi nuk mundi të përballonte situatën post-covid.
Discussion about this post