Instituti Kombëtar i Shëndetësisë Publike të Kosovës, informon se në total regjistrohen vetëm 32 rasteve aktive me koronavirus, ndërsa theksohet se situata po shkon drejt përmirësimit për shkak se në javët e fundit numri i të shtruarve ka qenë i ulët dhe nuk raportohen raste te rënda.
Ndër të tjera, bëhet me dije se që nga fillimi i pandemisë, numri i përgjithshëm i të shëruarve është 157.811, ndërsa kanë vdekur 2,984 persona në total. IKSHP bënë më me dije se, në 24 orët e fundit janë dhënë 2.285 doza të vaksinës kundër COVID-19. Sakaq, që prej fillimit të vaksinimit në të gjitha qytetet e Kosovës janë dhënë 1.619.802 doza të vaksinës. Kujtojmë se më shumë për dy javë në Kosovë raportohen më pak se 10 të infektuar në ditë dhe fatmirësisht asnjë vdekje.
Discussion about this post