COVID-19, mbi 400 të infektuar në Maqedoninë e Veriut, 13 humbje jete në 24 orë

Në Maqedoninë e Veriut janë regjistruar 432 raste të reja me koronavirus nga 2.663 teste teste të kryera.

Instituti për Shëndet Publik sot regjistroi 448 pacientë të shëruar nga koronavirusi.

Gjatë 24 orëve të kaluara janë konfirmuar 13 viktima. Prej tyre, 4 ishin nga Shkupi (45, 78, 88 dhe 90), 2 të vdekur nga Kumanova (42 dhe 70), Manastiri (51 dhe 68) dhe Prilepi (66 dhe 70), dhe një nga Dellçeva (74), Velesi (79) dhe Koçani (55).

Numri i përgjithshëm i personave të diagnostikuar me COVID në vend që nga fillimi i epidemisë është 207.998, numri i të shëruarve është 192.370, numri i të vdekurve është 7.294, ndërsa numri i rasteve aktive është 8.334.