Covid-19 vazhdon të jetë shqetësues në botën e futbollit, me skuadrat që shpesh herë detyrohen në mos kenë në dispozicion lojtarët më të mirë të tyre për shkak të infektimeve.
Së fundmi ka qenë Napoli ai që është prekur. Klubi italian ka mësuar se në takimin kundër Interit i vlefshëm për javën e 13 të Seria A nuk do të ketë në dispozicion sulmuesin Matteo Politano.
Lojtari italian është infektuar me Covid dhe në mënyrë të menjëhershme është izoluar, gjendja e 28-vjeçarit është e mirë dhe nuk ka simptoma, por do i duhet të qëndrojë për disa kohë jashtë fushës.
Ndërsa rikujtojmë se sfida që do të zhvillohet këtë të dielë në orën 18:00 është shumë e rëndësishme për Napolin që ndan kreun e tabelës me pikë të barabarta, më saktësisht me 32 pikë, me Milan./K.T/Gijotina.com
Discussion about this post