Autoritetet shëndetësore në Greqi kanë publikuar të dhënat e fundit të përballjes me COVID-19. Nga përditësimi më i fundit, njoftohet se gjatë 24 orëve të fundit janë shënuar 6.808 persona të infektuar.
Ndërsa betejën me virusin e kanë humbur 42 qytetarë, duke e dërguar numrin e viktimave në total, që prej shpërthimit të pandemisë në 16.151.Në njësitë e kujdesit intensiv, ndodhen të shtruar 441 pacientë, gjendja e së cilëve sipas mjekëve është e rënduar.
Ditën e djeshme autoritetet greke njoftuan masat e reja kundër Covid-19.Qeveria greke ka formuluar një paketë të re masash që nisin zbatim nga e shtuna e ardhshme për të mbrojtur rreth 3 milionë personat e vaksinuar mbi moshën 12 vjeç kundër koronavirusit që po përhapet në vend, si dhe shëndetin publik dhe spitalet të cilët tashmë janë të mbingarkuara.
Mësohet se personat e pavaksinuar në Greqi do të lejohen të hyjnë në zyrat e qeverisjes vendore, banka, dyqane dhe parukeri vetëm nëse tregojnë një test negativ për COVID-19.
Po ashtu, do të duhet të paraqesin një test negativ në punë dy herë në javë dhe kjo, e paguar me paratë e tyre.
Discussion about this post