Ministria e Shëndetësisë në Greqi ka bërë publike shifrat e përballjes me pandeminë në 24 orët e fundit. Sipas këtyre të dhënave rezulton se janë shënuar 27 766 raste të reja me Covid-19. Ndërkohë betejën me virusin nuk kanë mundur ta fitojnë 85 persona.
Gjithashtu në gjendje të rëndë në intubim vijojnë që të jenë 654 pacientë. Rikthimi i nxënësve në shkolla pas pushimeve të fundvitit ka rezultuar me 15.547 raste të reja, sipas testimeve të kryera. Në shtetin fqinj po vërehet një tendencë në rritje e rasteve me variantin Omicron, ndërsa që nga fillimi i pandemisë e deri më tani në Greqi janë konfirmuar me Covid-19 në 1.535.382 nga të cilët 49.9% janë meshkuj, mes të cilëve kanë humbur jetën 21,479 pacientë të cilët kishin sëmundje themelore dhe ishin mbi 70 vjeç.
Discussion about this post