Ministria e Shëndetësisë së Kosovës ka bërë të ditur që janë regjistruar një viktimë dhe 1.266 raste të reja me koronavirus. Rastet e reja rezultuan pas testimit të 3.609 mostrave .
Sipas njoftimit, në 24 orët e fundit janë shëruar 1.606 pacientë. Aktualisht, raste aktive me koronavirus në Kosovë janë 9.252.
Po ashtu gjatë kësaj periudhe kohore janë vaksinuar 64 persona, ndërsa në total numri i dozave të administruara nga fillimi i pandemisë është 1,834,587.
Organizata Botërore e Shëndetësisë e pati shpallur koronavirusin si pandemi më 11 mars të vitit 2020. Deri më tani janë regjistruar mbi 6 milionë njerëz të vdekur me këtë virus.
Discussion about this post