Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon nga 2.146 testime, 16 qytetarë kanë rezultuar pozitiv me virusin COVID-19.
Gjatë 24 orëve të fundit, nuk është shënuar asnjë rast i vdekjes. Sot janë shëruar 10 qytetarë, derisa numri i përgjithshëm i të shëruarve është 157.429.
Prej shpërthimit të pandemisë në mars të vitit 2020, Instituti Kombëtar i Shëndetësisë Publike në Kosovë ka regjistruar mbi 160.000 raste të infektimit.
Prej tyre 2.978 persona kanë vdekur.
Prej nisjes së fushatës së vaksinimit 739.997 persona janë vaksinuar plotësisht kundër këtij virusi derisa 841.269 persona kanë marrë dozën e parë.
Deri më 6 nëntor në orën 15:00 është vaksinuar plotësisht 41.1 për qind e popullsisë së përgjithshme.
Discussion about this post