COVID-19 në Kosovë, një viktimë dhe 7 raste të reja në 24 orë

Ministria e Shëndetësisë njoftoi më 13 nëntor se është regjistruar një viktimë me koronavirus dhe shtatë raste të reja me COVID-19.

Në 24 orët paraprake, 13 persona janë shëruar ndërkaq raste aktive janë 420.

Sa i përket fushatës së vaksinimit, në 24 orët paraprake janë administruar 2.560 doza të vaksinës.

Që prej fundit të marsit, kur në Kosovë nisi fushata e imunizimit, autoritetet kanë administruar 1,594,499 doza të vaksinave. Prej këtij numri, 749,432 persona janë vaksinuar me dy dozat e vaksinës.

Në Kosovë mund të vaksinohen personat mbi 12 vjeç. Ata mund të zgjedhin ndërmjet vaksinës së kompanisë Pfizer apo AstraZeneca.