Skuadra e Liverpoolit kërkon të përfitojë nga situata ku ndodhet sulmuesi Raheem Stërling tek skuadra e Manchester Sitit. Futbollisti i talentuar nuk bën më pjesë në planet e trajnerit Pep Guardiola i cili ka vendosur ta dërgojë në stol sulmuesin e kombëtares angleze. 26 vjeçari luan prej 7 sezonesh në “Etihad Stadium” dhe pritet t’i thotë lamtumirën kampionëve në fuqi të Premier Leagues në fundin e sezonit.
Për pasuesin e Stërling, trajneri Guardiola ka piketuar Harry Kane. Në garë për të firmosur me sulmuesin anësor janë shumë skuadra por në skenë është futur edhe ekipi i Liverpoolit. Stërling ka spikatur në fillimet e karrierës së tij tek ekipi i të kuqve për të kaluar më pas tek rivalët e Manchesterit. Stërling ka shprehur gjithmonë dashurinë për ish-skuadrën e tij dhe një rikthim në “Anfield” mund të bëhet realitet.
Discussion about this post