Në 24 orët e fundit në Maqedoninë e Veriut janë regjistruar 333 raste pozitive për koronavirusin nga 3,511 testime të kryera.
Prej rasteve të reja, 181 janë në Shkup, Prilepi dhe Manastiri – 25, Ohri – 14, Kumanova dhe Strumica – 8, Velesi dhe Kavadari – 7, Kërçova – 6, Koçani, Resnja, Valandova dhe Demir Kapi – 5, Shtip – 4, Gjevgjeli, Negotinë, Radovish dhe Probishtip – 3, Kriva Pallanka, Dellçeva, Vinica, Krusheva dhe Makedonski Brod – nga 2, Tetova, Gostivari, Struga, Sveti Nikolla, Bogdanci dhe Demir Hisar – 1.
Ministria e Shëndetësisë në vend njofton se në 24 orët e fundit kanë ndërruar jetë 6 pacientë, të cilët kanë qenë pozitiv me COVID-19, ndërsa nga sistemi “Termini im” janë paraqitur edhe 5 humbje jete, që kanë ndërruar jetë prej periudhës 22.11 – 20.12.2021.
Ndërsa ISHP ka regjistruar 311 pacientë të shëruar. Me rastet e sotme numri i përgjithshëm i të infektuarve me koronavirus në RMV shkon në 222.666, prej të cilëve 209.602 janë shëruar, ndërsa 7.879 kanë ndërruar jetë.
Numri i rasteve aktive deri sot (24 dhjetor) është 5.185.
Discussion about this post