Ministria e Shëndetësisë bën me dije se gjatë 24 orëve të fundit në vendin tonë janë konfirmuar 19 raste të reja me COVID-19 nga 436 testime të kryera. Sipas të dhënave, gjatë këtij harku kohor është regjistruar një viktimë.
“Në 24 orët e fundit, janë kryer 436 testime, nga të cilët 19 qytetarë ka rezultuar pozitivë me COVID19, në Bashkitë: 17 në Tiranë, nga 1 qytetar në Sarandë, Skrapar.
Janë 163 qytetarë aktivë me Covid19 në të gjithë vendin.
Aktualisht në Spitalin Infektiv po marrin trajtim 6 pacientë. Në 24 orët e fundit ka 1 humbje jete me SarsCov2, një qytetar 83 vjeç, nga Durrësi.
Janë shëruar 17 qytetarë gjatë 24 orëve të fundit, duke e çuar numrin e të shëruarve në 329,789 që nga fillimi i epidemisë”, njofton MSH.
Shpërndarja gjeografike e rasteve aktive sipas qarqeve:
- Tiranë 145
- Shkodër 5
- Fier 4
- Vlorë 3
- Korçë 2
- Durrës 2
- Berat 1
- Kukës 1
Discussion about this post