Ulet numri i të infektuarve me Covid-19 dhe rritet numri i viktimave.
Ministria e Shëndetësisë ka publikuar të dhënat e fundit të Covid-19 në vendin tonë. Në njoftimin zyrtar thuhet se gjatë 24 orëve të fundit, janë regjistruar 410 persona të infektuar me virusin.
Nga ana tjetër, 5 persona, për fat të keq nuk e kanë fituar betejën me Covid-19, respektivisht 2 qytetarë nga Tirana, një nga Elbasani, një nga Fieri e një nga Shkodra.
Ndërkohë në spitale janë 195 pacientë, 15 në gjendje të rëndë. Lajmi i mirë është se plot 552 pacientë e kanë fituar betejën me Covid-19 së fundmi.
Kurse një ditë më parë, vetëm përgjatë 24 orëve të fundit 4 persona humbën jetën dhe 864 qytetarë u infektuan me Covid. Ndërsa numri i viktimave është rritur me 1.
