Numri i të infektuarve me koronavirus ka shënuar një ulje të lehtë ditën e sotme, duke bërë që shifrat të shkojnë në gati 338 persona. Në të dhënat e publikuara nga Ministria e Shëndetësisë, rezulton se një person ka humbur jetën, pasi ishte i shtruar në spital prej ditësh i infektuar me covid-19.
“Në 24 orët e fundit, si vijon: Janë kryer 1108 testime, nga të cilat kanë rezultuar pozitivë me COVID19, 338 qytetarë, në këto bashki: 116 në Tiranë, 17 në Lushnje, 15 në Durrës, 12 në Shkodër, nga 11 qytetarë në Fier, Elbasan, nga 10 qytetarë në Lezhë, Gramsh, nga 9 qytetarë në Dibër, Sarandë, nga 8 qytetarë në Kamëz, Vlorë, nga 7 qytetarë në Shijak, Divjakë, Gjirokastër, nga 6 qytetarë në Patos, Mallakastër, nga 5 qytetarë në Devoll, Kuçovë, nga 4 qytetarë në Kavajë, Himarë, Berat, nga 3 qytetarë në Rrogozhinë, Delvinë, Përmet, Këlcyrë, Tepelenë, Korçë, Maliq, Dimal, nga 2 qytetarë në Vau i Dejës, Malësi e Madhe, Fushë Arrëz, Krujë, Bulqizë, Roskovec, Selenicë, nga 1 qytetar në Pukë, Kukës, Tropojë, Kurbin, Mat, Memaliaj, Pogradec, Kolonjë, Peqin. Janë 3,572 qytetarë aktivë me Covid19 në të gjithë vendin.”, thuhet në njoftim.
Sakaq, bëhet me dije se aktualisht në spitalin COVID3 po marrin trajtim 16 pacientë, ndërsa janë shëruar 317 pacientë.
Discussion about this post