Ministria e Shëndetësisë ka raportuar se, në 24 orët e fundit kanë rezultuar pozitivë me koronavirus 616 qytetarë, rritje e ndjeshme krahasuar me një ditë më parë kur regjistroheshin vetëm 217 të infektuar. Edhe numri i të vdekurve është rritur në 12 nga 9 humbje jetë në ditën e kaluar.
“Ju informojmë për situatën në 24 orët e fundit, si vijon: Janë kryer 3713 testime, nga të cilat kanë rezultuar pozitivë me COVID19, 616 qytetarë, Me gjithë përpjekjet e mjekëve, në 24 orët e fundit nuk e kanë fituar betejën me COVID19, 12 qytetarë: gjashtë qytetarë nga Tirana të moshave 67-88 vjeç, një qytetare nga Librazhdi 61 vjeçe, një qytetar nga Pogradeci 66 vjeç, një qytetar nga Berati 67 vjeç, një qytetar nga Fieri 72 vjeç, një qytetar nga Durrësi 88 vjeç, një qytetar nga Korça 88 vjeç”, thuhet në njoftim.
Aktualisht në spitalet COVID po marrin trajtim 148 pacientë, nga të cilët 16 janë në gjendje më të rënduar. Ministria e Shëndetësisë njofton se, janë shëruar 589 qytetarë gjatë 24 orëve të fundit, duke e çuar numrin e të shëruarve në 169,674 që nga fillimi i epidemisë.
