Situata e pandemisë në Shqipëri po shkon drejt përmirësimit. Në 24 orët e fundit krahasuar me një ditë më parë raportohet se numri i të infektuarve ka rënë ndjeshëm, po ashtu edhe numri i viktimave.
Sipas Ministrisë së Shëndetësisë, raportohen 405 qytetarë të infektuar 5 humbje jete dhe 539 të shëruar në 24 orët e fundit.
Viktimat nga COVID-19 janë: Një qytetar nga Durrësi 60 vjeç, katër qytetarë nga Tirana të moshave 74-86 vjeç.
Nga qarqet që ka më shumë qytetarë të prekur me virusin vdekjeprurës, është Tirana, e cila pasohet nga Durrësi dhe Vlora.
Janë kryer 1740 testime, nga të cilat kanë rezultuar pozitivë me COVID9, 405 qytetarë, në këto bashki: 166 në Tiranë, nga 24 qytetarë në Durrës, Korçë, nga 21 qytetarë në Elbasan, Berat, 15 në Fier, 14 në Kamëz, 12 në Vlorë, nga 11 qytetarë në Shkodër, Lushnje, Gjirokastër, 7 në Lezhë, nga 6 qytetarë në Kavajë, Tepelenë, nga 5 qytetarë në Skrapar, Delvinë, Roskovec, Kurbin, nga 4 qytetarë në Krujë, Mat, Mallakastër, Dimal, nga 3 qytetarë në Këlcyrë, Përmet, nga 2 qytetarë në Vau i Dejës, Devoll, Belsh, nga 1 qytetar në Kuçovë, Pogradec, Memaliaj, Divjakë, Mirditë, Tropojë, Has, Kukës.
Janë 8036 pacientë aktivë me COVID19 në të gjithë vendin.
Aktualisht në spitalet COVID po marrin trajtim 157 pacientë, nga të cilët 14 janë në gjendje më të rënduar.
Discussion about this post