Lorenco Vila ishte heroi i Teutës në sfidën ndaj Skënderbeut ku durrsakët morën vetëm një pikë falë dopietës së tij personale. Pas ndeshjes futbollisti i talentuar ka analizuar situatën tek kampionët në fuqi dhe është ndalur tek dëmtimi i rëndë.
“Jam i lumtur për golat, por jam tepër i mërzitur që lamë tre pikët në këtë ndeshje. Shpresoj të mos i bëjmë këto gabime në ndeshjen e radhës dhe të rikthehemi te fitorja.
U lëndova në momentin më të mirë, qëndrova 3 muaj pushim, tani jam rikthyer në formë dhe shpresoj të ndihmoj Teutën, pasi nuk i kemi marrë pikët e duhura.
Shpresoj se do arrij kuotën e golave që kam shënuar vjet, por më parë dua të ndihmoj ekipin për t’u rikthyer aty ku e meriton.
Pozicioni i preferuar? Vjet kam luajtur djathtas, sepse majtas ishte Bregu. Pak më mirë ndihem majtas, por edhe djathtas nuk është se nuk ndihem mirë”, përfundoi futbollisti i Teutës.
Discussion about this post