Ka shënuar sërish rënie numri i personave të prekur nga Covid-19 në 24 orët e fundit. Në 2587 testime të bëra, 194 qytetarë kanë rezultuar pozitivë me koronavirus. Ndërkohë janë 190 persona të shëruar.
Gjithashtu bëhet me dije se 7 pacientë kanë humbur jetën si pasojë e virusit. Që prej nisjes së pandemisë janë kryer në total 1,352,267 teste. Ndër të tjera, në total janë shënuar 2,997 viktima nga Covid-19.
Shpërndarja e rasteve në 24 orët e fundit: 107 në Tiranë, 14 në Vlorë, 13 në Fier, 12 në Durrës, nga 6 qytetarë në Kavajë, Lushnje, Gjirokastër, Berat, 5 në Krujë, 4 në Kurbin, 3 në Dimal, nga 2 qytetarë në Sarandë, Lezhë, nga 1 qytetar në Pukë, Kukës, Dibër, Delvinë, Përmet, Tepelenë, Poliçan, Gramsh.
Qarku me më shumë raste aktive është Tirana, e cila ndiqet më pas nga Vlora, Fieri dhe Durrësi.
Discussion about this post