Kimi Raikkonen nuk do të jetë pjesë e garës së Holandës për shkak se ka rezultuar pozitiv në testin për koronavirus.
Lajmi për infektimin e finlandezit e bën publike faqja zyrtare e Formula 1 dhe e Alfa Romeo Racing, të cilët theksuan se ai ndodhet i izoluar në hotel.
“Kimi Raikkonen do të humbasë Çmimin e Madh të Holandës pasi rezultoi pozitiv me Covid-19. Ju urojmë një shërim të shpejtë Kimi, mezi presim t’ju shohim përsëri në rrugën e duhur së shpejti!”-shkruhet në Twitter nga faqja zyrtare e F1.
Ndërsa skuderia e Alfa Romeos i ka uruar kthim të shpejt në pistë Raikkonen.
”Pas raundit të fundit të tamponëve të kryera, Kimi Raikkonen rezultoi pozitiv me Covid-19. Kimi nuk tregon simptoma dhe është në humor të mirë. Ai menjëherë hyri në izolim në hotelin e tij. Ekipi i uron Kimit shërim të shpejtë.”-njoftuan ata.
Vendin e finlandezit te Alfa Romeo do e marrë momentalisht Robert Kubica, ndërsa rikujtojmë se vetë piloti njoftoi se ky sezon do jetë dhe i fundit për të në Fomula 1./Gijotina.com
