Në Greqi përhapja e Covid-19 vijon të jetë me ritme të shpejta. Vetëm gjatë 24 orëve të fundit janë shënuar 2286 raste të reja me COVID, ndërsa kanë ndërruar jetë 30 pacientë.
Rastet e reja të konfirmuara në laborator të sëmundjes të regjistruara në 24 orët e fundit janë 2,286, nga të cilat 13 u identifikuan pas kontrolleve në portat e vendit. Numri i përgjithshëm i rasteve është 598.667. Bazuar në rastet e konfirmuara të 7 ditëve të fundit, 161 konsiderohen të kenë lidhje me udhëtimet nga jashtë dhe 1,614 janë të lidhura me një rast tashmë të njohur. Vdekjet e reja të pacientëve me COVID-19 janë 30, ndërsa që nga fillimi i epidemisë janë regjistruar gjithsej 13,843 vdekje. Numri i pacientëve të trajtuar me intubim është 381. Mosha mesatare e tyre është 64 vjec. Ndër pacientët e intubuar, 343 janë të pavaksinuar ose pjesërisht të vaksinuar dhe 38 janë plotësisht të vaksinuar. Që nga fillimi i pandemisë, 2,998 pacientë janë larguar nga ICU. Pranimet e pacientëve të rinj Covid -19 në spitalet e territorit janë 201.
Aktualisht në spitalet greke po trajtohen 381 pacientë. Prej tyre 343 janë ta pavaksinuar ose kanë marrë vetëm njërën dozë të vaksinës dhe vetëm 38 të tjerë nuk e kanë marrë vaksinës.
Në 24 orët e fundit në spital janë shtruar 201 pacientë si pasojë e simptomave pas infektimit me COVID.
Më herët qeveria greke detyroi bluzat e bardha dhe stafet e spitaleve shtetërore dhe private që të vaksinohen, si një masë paraprake për t’i mbrojtur ata në rast se shifrat e të infektuarve vijnë në rritje.
