Ministria e Shëndetësisë në Kosovë ka bërë me dije se gjatë 24 orëve janë regjistruar 8 raste të reja të infektuar nga Covid-19.
Në 24-orëshin paraprak fatmirësisht nuk u regjistrua asnjë viktimë nga koronavirusi, ndërsa numri i të shëruarve është 8 qytetarë. Raste aktive aktualisht janë 314.
“Nga 1.895 testime, 8 qytetarë kanë rezultuar pozitiv me virusin COVID-19. Gjatë 24 orëve të fundit, nuk është shënuar asnjë rast i vdekjes. Sot janë shëruar 8 qytetarë, derisa numri i përgjithshëm i të shëruarve është 157.933. Në total numri i rasteve aktive është 314”, njofton MSHK.
Në Kosovë administrohen dy lloje të vaksinave, ajo e kompanisë AstraZeneca dhe vaksina e Pfizer/BioNTech. Të drejtë vaksinimi kanë të gjithë qytetarët prej 12 vjeç e lart.
Discussion about this post