Pandemia e koronavirusit ka depërtuar në burgun e Drenovës. Mësohet se një i burgosur është prekur nga pandemia e koronavirusit dhe është transportuar gjatë natës drejt Tiranës.
I dënuari me iniciale E.D. prej disa ditësh ka qenë i prekur nga virusi, por gjendja e tij është rënduar mbrëmjen e djeshme.
Mësohet se në godinën B ku ndodhen edhe të dënuar të tjerë të sigurisë së zakonshme, mbi 10 prej tyre kanë rezultuar pozitivë pas kryerjes së tamponit.
Këta të dënuar që kanë qenë kontakte me E. D., janë karantinuar ndërsa priten edhe rezultate për të dënuarit e tjerë të burgut të Drenovës.
