Një tjetër rast i dhunës ndaj fëmijëve në kopshte është denoncuar së fundmi në media. Bëhet fjalë për një nënë nga qyteti i Korçës ka treguar se djali i saj është dhunuar në kopshtin shtetëror nr.9.
Eriona Struga ka treguar se djali i saj 3-vjeçar është dhunuar fizikisht në ambientet e kopshtit.
Sipas saj, vogëlushi kishte shenja të goditjes në fytyrë, ndërsa theksoi se nuk është marrë asnjë masë ndaj edukatores përgjegjëse, e cila vijon të punojë.
“Unë jam Eriola Struga, nëna e 3-vjeçarit të dhunuar në kopshtin Nr. 9 të Korçës. Dhuna ka ndodhur më 12 shtator, dhe pas 5 muajsh nuk ka pasur asnjë zhvillim. Djali im ka vajtur më datë 12 në kopsht në orën 09:00 dhe ka qëndruar gjysëm ore ose treçerk ore duke qarë. Ndërkohë më merr edukatorja ne telefon dhe më thotë hajde merrë djalin se po qan për ty dhe i thashë nxirre jashtë se po e pres këtu në oborr. Fëmija del i traumatizuar duke qarë më ngashërim saqë nuk po mbushej dot as me fryme. E pyes edukatoren pse po qan sepse kur hyri e kishte me dëshirë dhe e marr djalin. Duke ecur në rrugë në dritë natyrale i shof shenja gishtash në fytyrë. E qetësoj djalin dhe pyes çfarë kë që po qan dhe djali më tha që më goditi këtu duke bërë me shenjë në vendin e goditjes në fytyrë”, tha ajo.
Më tej, nëna e vogëlushit tha se kërkoi që kamerat e kopshtit të hapeshin për të siguruar provat e dhunës, por kjo kërkesë e saj u refuzua nga drejtoresha e institucionit.
“Po kërkovee të hapen kamerat, atëherë nuk do të sjellësh më djalin këtu”. Këto janë fjalët që sipas saj i tha drejtoresha e kopshtit pas kërkesës për hapjen e kamerave.
Megjithatë, edhe pse kamerat u hapën pas insistimeve të saj, nuk siguruan prova të mjaftueshme, pasi dhuna kishte ndodhur në një zonë që nuk mbulohej nga kamerat.
Eriona tregoi më tej në EuroNews.al se ajo e denoncoi rastin në polici, ndërsa kërkoi mbështetje psikologjike për të birin.
“Rasti ka 4-5 muaj që ka ndodhur dhe edukatorja vazhdon qetësisht punën, nuk është marrë asnjë masë dhe nuk është bërë asgjë për mbështetje psikologjike për fëmijën tim,” tha ajo me zhgënjim
Discussion about this post